واصلت الفنانة منة فضالي، الترويج لفيلمها الجديد “زنزانة 7” عن طريق نشر عدد من الصور الخاصة بكواليس الفيلم عبر حسابها الرسمي على “انستجرام” بمنطقة سهل حشيش، وقد أظهرت الصور مشاركة عدد من نجوم الوطن العربي في هذا الفيلم مثل:”أحمد زاهر، أحمد التهامي، مدحت تيخا، نضال الشافعي، مايا نصري، والمخرج إبرام نشأت”.
رسائل منة فضالي لأبطال فيلم زنزانة 7
وقد وجهت منة رسالة لكل زملائها في الفيلم الجديد “زنزانة 7″، حيث قالت:”الحمد لله فيلم زنزانة 7 كله حب وصداقة بجد بينا، أولاً مايا نصري، حتكلم عنها لأني أول مرة اقابلها شخصية محترمة جداً بجد حساسة مثقفة، وأم تجنن سعيدة إني عرفتك بجد وليا صديقة زيك افتخر بيها بحبك بجد..أحمد زاهر طبعاً شهادتي فيك مجروحه لأني اعرفك من قبل ما أمثل طول عمرك جدع وراجل ومحترم ومتغيرتش زي ما ناس كتير اتغيرت فنان بجد ومجتهد ونضيف قلبك أبيض”.
واكملت منة:”نضال الشافعي طبعًا انت محترم دي كلمه قليله عليك لأنك محترم في كل حاجه حتي كلامك راقي اشتغلت معاك مش كتير بس كفايه أقولك إني فعلاً سعيدة وأنا بشتغل معاك لأنك فنان وبتحب شغلك اكتر من أي حاجه راجل في أي موقف ربنا يحميك وتوصل للي بتتمناه لأنك تستحق اكتر من كده بكتير، إيهاب فهمي عشره العمر و صاحبي اشتغلنا كتير اوي مع بعض وكل مره بشكل مختلف مبتسبش حق حد وكفاية انك لسه زي ما انت بوبوس العسل أخويا اللي بحبه وبحترمه ربنا يحميك ويسعدك وتحقق كل حاجه نفسك فيها وتفرح بأحمد.. أما عبير صبري فإنتي بقي موضوع تاني بحبك كده زي ما انتي أحيانا بتغاظ منك لأنك طيبة بزيادة بس دي أحلى حاجه فيكي ربنا يسعدك في حياتك وأنتي نجمة وفنانة بجد”.
